صدفه وشوشنى الودع
أنا لما بأشوفك
نبضات قلبى تحن
والحلم الهاتف
جوا ف صدرى دا يتكن
يعصر قلبى ف تنهيده
ويحل سلام ويهل منام
ف ليالى بتهتف بيك
تبهرنى عنيك
من وهج النظرات مفتونة
من صمت اللحظة المجنونة
مليانه أحساس
بركان ف مداين سحر
وف طرفة عين
يتحقق حلم الأساطير
وتمد أديك تصحى اللحظات
على صوت العشق
وتمر شفايفك على كفى
تنقش حبك. ترقص نبضاتى
ف تنهيدة حب
ويمر الشوق الغامر
يفتح قدر الأحوال
يتآنس قلب بقلب
أنوار العالم تضوى
ف البهجة
تنهمر الكلمة نشيد
ع اللحن الدافى
وصباح ف عيون العيد
مفروش بالأغنيات
ف ليالى بتهتف بيك
ليست هناك تعليقات:
إرسال تعليق