ندم
ويا تمرد.. يارب الكون
وأرجع تانى أسجد لك
بأشوف نورك ف كل مكان
ما بين ألوان.. ما بين أشكال
أشوف الناس.. وأشوف الفجر
لما يهز ستر الليل
وأشوف الورد فوق غصنه
مع النسمة بدلال بيميل
أقول يارب
وأرجع تانى أتمرد
وأنسى لجل أكون إنسان
على أكتافه هموم أحمال
ودم هابيل
ما زال سايل.. بيروينا
يا آدم أنت ليه عاصى
وليه بتطاوع الشيطان
ونتمرد. ونتندم. ونرجع تانى للقرآن
نصلى الفرض والسنة
ونبقى فى حمى الرحمن
ليست هناك تعليقات:
إرسال تعليق