مالا نهاية
أنا والسما والهوا وشجونى
ويا الشجرة والعصافير
فارده ف ساحة عمرى صداقة
ويا طبيعة تسودها براءة
جوا القلب قوام نتلاقى
لحظة ما بيننا بتجمعنا
بتوحدنا ف حب ومعنى
لما الدنيا تكون خنقانى
لما التوهه تكون قلقانى
لما النفس تكون بتعانى
ليه البشر الطاغى أنانى
وأنا وسطيهم ببقى لوحدى
فيه حلقات مفقودة ما بينا
عاشقة السما والهوا وأنا بينهم
حاسه فيه شئ جوايا غيرهم
بيكلمنى وبيحلملى
ويسافر ف مشاعرى معايا
اسبح وياه
ف مالا نهاية
بعدها تبقى اللحظة مراية
ليست هناك تعليقات:
إرسال تعليق