نبضه
كل حرف كتبتهولى
جوا منى ألف شمعة
تطفى دمعه ويا دمعه
من شجونى
تعكس التكشيرة طاقة
من تفاؤل فى عيونى
كل حرف كتبتهولى
كان كناريا ف السطور
تسحر الكلمة الجميلة
عقد نور
كل حبه من دوايره
تملأ كل الدنيا حب
كل حرف كتبتهولى
نوع جديد من فلسفاتى
يطرح الآه من حياتى
يجمع الفرح ف نشيدى
يرجع الدم لوريدى
كل حرف كتبتهولى
يا اللى زارعنى ف عمرك مملكة
وفينوس وآية
يالقا صدفة بداية
يا طريق من غير نهاية
أنت فى عمرى حكاية
بيها حطمت المسافة
والمساحة. يا أحلى واحه
كل حرف كتبتهولى
خلى قلبى بشوقه يتنفس ربيع
يبقى ومضه لشئ بديع
يا رتوش مرسومه شوق
خدنى حلمك لأحلى طوق
لما ناديت الحياة..
تبدر شروق
فردت جناح الحب لينا
حسيت بنبضك ف العروق
كل حرف كتبتهولى
كان نهارى وأنت دارى
بينادينى . يا أميرة
عيشى جوايا ف أمان
وأستكينى
ليست هناك تعليقات:
إرسال تعليق